منقول: حش بين دب ونحيف ..... لايفوتكم

هذا حوار بين شخصيتين الاول ... انتل ونحيف مررررره
والثاني ... منفوخ . ودب مرررررررره
منسمين من الدرجة الاولى

هذي لقطة من احد جلساتهم...
*******************************

النحيـــف:
وينك فيه يا التفخ سمعت انك متنكر وموقف في الشارع والعالم يدورن حواليك يحسبونك دوار

الدبااا:
لا يا جنط انا اللي سمعت انك متنكر وخاش مكتبه وقاعد على اساس انك قلم رصاص

النحيـــف:
ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك حرف

الدبااا:
قوووووويه هاههاهاهاهاه لكن شكلك نسيت يوم تمرض وتروح الدكتور وقال نبي نسوي لك اشعه x قال مايحتاج وخذك وحطك على نجفه وشاف وش اللي فيك

النحيـــف:
يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك

الدبااا:
ايه ولين ركبت جنبي قمت اعشق فيك احسبك القير من نحفك

الانتل يعني النحيف:
أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص

الدبااا:
اقول الحين متميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير

النحيـــف:
تدري كل ماشفتك ياالتفخ تذكرت رجال كفرات ميشلان اللي في الدعايه

الدبااا:
تصدق بالله لو نشبك في يديك اسياخ صرت كنك حارس فرفيره

النحيـــف:
مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا

الدبااا:
ماشفت نفسك وانت واقف ترى رجليك ساق بدون ركبه

النحيـــف:
اقول سمعت ان اهلك يروشونك في الحوش بمكانس من كبرك

الدبااا:
انا سامع انك تتروش في المغسله

النحيـــف:
انا سمعت انهم صوروك يبون يطلعون لك جواز وحطو صورتك وكتبو تحتها
تتبع في الصفحه الاخرى

الدبااا:
ان سمعت انهم صوروك 4 في 6 طلعت كلك

النحيـــف:
انا سمعت انك اذا بغيت تركض تدربا اسرع لك .

الدبااا:
اقول رح بس وراك انت وخدودك كنها مضارب تنس ارضي .

النحيـــف:
ههههههههه ضحكتني انت وخدودك كنها دف طقاقه .

الدبااا:
اقول شف شكلك كنك ريال بيد بزر .

النحيـــف:
شف سنونك كنها طلاب ثالثه جيم واقفين عند مقصف .

الدبااا:
عاد من زين سنونك كنها ضغاطات مسجل صناعه صينيه

******************************

وش رايكم في هالاثنين والله الجلسه مع الدبا والنحيف شيييييي!!!

أتمنى الموضوع عجبكم وترى التريقة هذي دايما نشوفها بين كل اثنين متناقضين
هههههههههههههههههه
وناســــــــــــــه
ولـــــــــــــكم