السلام عليكم ورحمة الله وبركاته
كيفكم يا معشر الاتحاديين ان شاء الله بخير
ان شاء الله الموسم القادم حيطل علينا وحيكون باذن الله الحماس والروح حاضره بالنسبه للنمور و جمهور النمور لكن لكل شي سبب ومافي دخان بلا نار
فعشان نخليها نار في الملعب ويصير من جد الاتي ولع نار ونطبق على الفرق التانيه مقولة لا تلعب بالنار تحرق رجولك
والسنه هذي بما أن كل شي غير الدوري غير , جدة غير , تغطية أ ار تي غير , لازم لازم لازم احنا جمهور العميد نكون غير
ولازم يا شباب نمشي مع العندليب الاتحادي في التشجيع
بس اهم شي لازم نحفظ النشيد الرسمي لنادي الاتحاد الي اقترحه علينا العندليب قبل مباراة النهائي الذهبي الا وهي مطلعه اغنية نادي الوطن
هذا النشيد سيكون قبل كل مباراة زي البرسا وليفربول
وطبعا بما انوا احنا اول فريق سعودي يكون عنده نشيد خاص ولا يهمونك العلاليين في منتداهم من بعد ما القرني طلع في التلفزيون و اتكلم عن الموضوع وطرحه جاك واحد من جمهور الطواقي واقترحه ولا من زود القباحه يقول احنا اول ناس لكن ما اقول الا (ولله في خلقه شؤون) يعني الغبي شايف العندليب يصرح ويروح يقول احنا الاول
فارجوا من احد الاعضاء ان ينزل الاغنيه في المنتدى لكي تكون بين ايادي الجمهور وحاولوا نتشروها قد ما تقدروا يعني زي ما تتاكد انك جايب معاك الشال للملعب اتاكد انك حافظ النشيد زحتى الي معاك لازم يكون حافظه (ترى انا من الناس الي ما اسمع اغاني وان شاء الله كلنا ننهدي وننصلح لكن انا ما اطلب انك تحفظ الاغنيه بس مقطع من نشيد)
ودمتم